Agnus
Agnus est Christus, ut in Exodo: Agnus sine macula immolatur, id est, Christus sine culpa moritur. Agnus, lubricus quisque, ut in Parabolis, “Secutus eam quasi agnus lasciviens,” quod libidinosus libidinosum imitatur. Per agnos apostoli, ut Dominus ad eos in Evangelio: “Ecce ego mitto vos sicut agnos inter lupos,” id est inter infideles. Per agnos viri sancti, sicut in Isaia: “Et in brachio suo congregabit agnos,” id est, in robore suo adiuvabit viros sanctos. Per agnos, simplices et innocentes, ut in Evangelio: “Pasce agnos meos,” id est peccatores, quos ego redemi sanguine meo, innocentes iam effectos nutrit praedicatione sua.