Fauces
Fauces sunt scientiae, ut in Iob: “Et fauces comedentis, saporem?” quod scientiae legentis internam sapientiam discernunt. Fauces, meditationes cordis, ut in Psalmis: “Quam dulcia faucibus meis,” id est, suaves sunt Scripturae suae meditationibus meis. Fauces, verba, ut in Iob: “Nec in faucibus meis stultitia personabit,” id est, insipientia in verbis meis non audietur.