Ortus
Ortus, sancta Ecclesia, ut in Cantico: “Hortus est conclusus soror mea sponsa,” quod sancta Ecclesia viva fide undique munita. Ortus, mens sancta, ut in Cantico: “Veniat dilectus meus in hortum suum,” id est, visitet mentem meam, in qua gratiarum suarum germina plantavit. Ortus, coelestis patria, ut in Cantico: “Veni in hortum meum, soror mea sponsa,” id est, festina venire ad patriam coelestem, ubi ego sum. Ortus, anima fidelis. Ortus, voluptas, ut in libris Regum: “Da mihi vineam tuam, ut faciam mihi hortum olerum,” quod diabolus spiritualem hominis laetitiam transferre vult in voluptatem carnalium desideriorum.