Vectis
Vectis est crux Christi, ut in libro Numeri: “Quam portaverunt in vecte duo viri,” id est, Christum in cruce crediderunt duo populi. Vectis, humanitas Christi, ut in Iob: “Et posui vectem et ostia,” quod malitiae huius saeculi Christus incarnatus et apostoli eius restituerunt. Vectis, diabolus, ut in Isaia: “Super Leviathan serpentem vectem,” id est, super diabolum venenosum. Et dicuntur per vectes viri sancti, ut in Exodo: “Facies et vectes de lignis Sethim,” id est, virtutibus fortibus viros exornatos. Per vectes, spiritus maligni, ut in Psalmis: “Et vectes ferreos confregit,” id est, spiritus malignos per malitiam duros superavit.