Onager
Onager est Christus, ut in Iob: “Quis dimisit onagrum liberum?” quod Deus per Christum hominem a mortalitatis captivitate liberavit. Onager, gentiles, ut in Iob: “Nunquid rugiet onager, cum non habuerit praedam?” quod tunc populus gentilis a dolore suo est mortifero liberatus, quando Christum cognovit per fidem. Per onagrum populi Iudaeorum, ut in Psalmis: “Exspectabunt onagri in siti sua,” quod nunc Iudaei salutem suam in magno desiderio praestolantur, quod reliquae salvae fient. Per onagrum haeretici, ut in Iob: “Quasi onagri [in] deserto egrediuntur ad opus suum,” quod haeretici ad fidetem populum seducendum Ecclesiam irrumpunt.