Nidus
Nidus est fides, ut in Psalmis: “Et turtur nidum sibi,” quod sancta Ecclesia securitatem invenit in fide, in qua fideles populos nutrit. Nidus, sancta conversatio, ut in Deuteronomio: “Et avem pullis in nido incubantem,” id est, virum bonum in sancta conversatione operibus bonis insistentem. Nidus, viri sancti animus, ut in Iob: “Et in arduis ponet nidum suum,” id est, in coelestibus figet animum suum.