Quadrans
Quadrans est quadripartita sacrae Scripturae intelligentia, ut in Evangelio: “Misit duo minuta, quod est quadrans;” quod sancta Ecclesia duo honorat Testamenta, in quibus quadripartita est intelligentia: historica, allegorica, tropologica, et anagogica. Quadrans, minuta peccata, ut in Evangelio: “Donec reddas novissimum quadrantem,” id est, pro minutis et ultimis peccatis puniaris.