Camelus
Camelus est Christus, ut in Evangelio: “Excolantes culicem, camelum glutientes,” id est, latronem postulantes, et Christum crucifigentes. Camelus, tortitudo vitiorum, ut in Genesi: “Viso Isaac Rebecca descendit de camelo,” quod cognito Christo vitiorum tortitudinem deseruit. Per camelum, potentes huius saeculi, ut in Isaia: “Inundatio camelorum operiet te,” quod potentes saeculi ad Ecclesiam veniunt. Per camelos, dispositiones rerum terrenarum, ut in Iob. “Erat possessio eius tria millia camelorum,” quod vir sanctus terrenas dispensationes intellectui sanctae Trinitatis subiicit.