Fimbria
Fimbria est Christi incarnatio, ut in Evangelio: “Quotquot fimbriam vestimenti eius tangebant, salvi fiebant,” quod omnes qui incarnationem eius credunt, ad veram salutem pertingunt. Per fimbrias conversationes hominum, ut in Psalmis: “In fimbriis aureis gloria eius,” quod in sanctis conversationibus hominum sancta Ecclesia gloriatur. Per fimbrias mentes nostrae, ut in libro Numeri: “Ponant filii in fimbriis suis vittas hyacinthinas,” quod animae Deum per contemplationem videntes, coelestia desideria in mentibus suis habent.