Unguentum
Unguentum est poenitentia, ut in Evangelio: “Attulit alabastrum unguenti,” id est, devotionem poenitentis animi. Unguentum, sancta conversatio, ut in Evangelio: “Et domus impleta est ex onore unguenti,” id est, Ecclesia est respersa fama conversationis suae. Per unguenta dona Spiritus sancti, ut in Cantico: “Curremus in odore unguentorum tuorum,” id est, bene vivamus in exemplis virtutum tuarum. Per unguenta delectationes carnis, ut in libro Sapientiae: “Vino sapientiae et unguentis impleamus nos,” id est, suavitate mundi et delectatione carnis reficiamus nos.