Talentum
Talentum est intellectus, ut in Evangelio: “Abscondit talentum in terra,” quod negligens quilibet intellectum, quem ad salutem aliorum accepit, in terrenis negotiis expendit. Talentum, pondus peccati, ut in Zacharia: “Et ecce talentum plumbi portabatur,” id est, pondus peccati exercebatur. Talentum, pondus bonum, ut in Exodo: “Omnes pondus candelabri cum omnibus vasis suis habebat talentum auri purissimi,” quod Christus et eius electi magnitudinem verae scientiae possident. Per talentum sensus corporales, ut in Evangelio: “Domine, quinque talenta tradidisti mihi,” scilicet donum quinque sensuum, quod est exteriorum scientiam mihi tradidisti. Per talenta intellectus et operatio, ut in Evangelio, “duo talenta,” id est, intellectum et operationem mihi tradidisti.