Fasciculus
Fasciculus est passio Christi, ut in Cantico: “Fasciculus myrrhae dilectus meus mihi,” id est, Christus praeponit mihi in exemplum passionem mortis suae. Per fasciculum peccata, ut in Isaia: “Solve fasciculos deprimentes,” id est, abiice a te peccata, quae te premunt. Per fasciculum conventicula damnatorum, ut in Evangelio: “Alligate fasciculos ad comburendum,” quod, qui hic pares fuerunt in culpa, ibi pares erunt in poena.