Cortex
Cortex est signaculum crucis, ut in Cantico: “Sicut cortex mali punici ita genae tuae,” quod ad imitationem crucis sancti se afiligi permittunt. Per corticem delectationes, ut in Iob: “Mandebant arborum cortices,” id est, amabant exteriores visibilium delectationes. Per corticem sensus historiales, ut in Genesi: “Detractis corticibus arbor apparuit,” id est, submotis historialibus sensibus decor spiritualis intelligentiae innotuit.