Vitrum
Vitrum est status civium coelestium, ut in Iob: “Non adaequabitur ei aurum vel vitrum,” quod Christo comparari non possunt vel sancti in hac vita fulgentes, vel cives coelestes, mutuas adinvicem cogitationes providentes. Vitrum, fallax blandimentum huius saeculi, ut in Parabolis: “Cum splenduerit in vitro color eius,” id est, cum arriserit in fallaci blandimento species amoris mundialis.