Pastus
Pastus est sublimitas sacrae Scripturae, ut in Genesi: “Aut date potum ovibus, et sic ad pastum eas reducite,” id est, praedicate prius simplicia auditoribus, et sic eos ad sublimiora intelligenda perducite. Pastus, instructio, ut in Genesi: “Filiis in pastu occupatis pecorum,” id est, praelatis instructionibus insistentibus populorum. Pastus, internae sapientiae refectio, ut in Iob: “Filii earum pergunt ad pastum, egrediuntur, et non revertuntur ad eas,” id est, subiecti praelatorum ad refectionem coelestis convivii exeunt, et non redeunt in hac vita ad eos.