Clavi
Clavi sunt praecepta charitatis, ut in libro Regum: “Affixit laminas clavis aureis,” id est, opera praeceptis charitatis firmavit. Clavi, ratio et intellectus, ut in Isaia: “Et clavos tuos consolida,” id est, rationem et intellectum, ne infirmentur, corrobora. Clavi, correctiones sanctorum, ut in Ecclesiaste: “Verba sapientum quasi clavi,” quod sermones eorum per correctiones vitia pungunt.