Puer
Puer est Christus, ut in Isaia: “Puer parvulus minabit eos,” quod electos suos, ne mundo per affectum adhaereat Christo humilis per timorem suum interius terret. Puer, populus Iudaicus, ut in Evangelio: “Est puer unus hic,” id est, populus Iudaicus sensu puerilis. Per pueros quilibet innocentes, ut in Psalmis: “Laudate, pueri, Dominum,” quod illi digne Dominum laudant qui innocentes ad instar puerorum et simplices sunt. Per pueros coelestis patriae cives, ut in Evangelio: “Pueri mei mecum sunt in cubili,” quod cives coelestes in aeterna quiete exsultant cum Domino. Per pueros Iudaei, ut in libris Regum: “Et lactaverunt ex eis quadraginta duos pueros,” quod, quadraginta duobus annis post passionem Domini peractis, imperatores devastaverunt Iudaeos.