Fossa
Fossa est humilitas, ut in Ezechiele: “Fossa in altari fiat,” quod ut in interna in se bona mens nostra conservet, oportet ut humilitatis virtutem non relinquat. Fossa, memoria hominis, ut in libris Regum: “Et fossa aquaeductus repleta est,” quod sanctus quilibet humore gratiae spiritualis memoriam suam impletam habet. Fossa, virtus patientiae, ut in Isaia: “Abscondere in fossa humo,” quod per humilitatem patientiae, quam nunc electi exercent, a terribili iudicio postmodum abscondentur. Fossa, cupiditas terrena, ut in Iosue: “Argentum fossa humo aperui,” quod pravi quilibet divini eloquii claritatem in profunditate terrenae cupiditatis abscondunt.