Saccus
Saccus est poenitentia, ut in Iob: “Saccum consui super cutem,” id est, per poenitentiae asperitatem castigavi mollitiem meam. Saccus, mortalitas nostra, ut in Psalmis: “Conscidisti saccum meum, et circumdasti me laetitia,” id est, rupisti mortalitatem meam, et vestisti me gloria immortalitatis. Saccus, mens hominis, ut in Genesi: “Invenit sciphum in sacco Beniamin,” quod sapientia Christi requievit in corde apostoli.