Corona
Corona est victoria, ut in Exodo: “Facies super arcam coronam auream,” quod Dominus fidelibus suis in tentatione dat victoriam. Corona, conventus apostolorum, ut in Psalmis: “Posuisti in capite eius coronam de lapide pretioso,” id est, dedisti ei in initio praedicationis concordem conventum apostolorum. Corona, multitudo sanctorum, ut in Psalmis: Benedices coronae anni benignitate tua,” id est, dabis augmentum gratiae multitudini sanctorum. Corona praemium regni, ut in Epistola Iacobi: “Accipiet coronam vitae,” id est, percipiet aeternitatem gratiae.