Tectum
Tectum est tectum, ut in Psalmis: “Sicut passer solitarius in tecto,” quod solus Christus cum corpore suo, quod est Ecclesia, exclusis reprobis, regnabit in coelo. Tectum, subtilitas sacrae Scripturae, ut in Evangelio: “Nudaverunt tectum, ubi erat Iesus,,” id est, exposuerunt sacram Scripturam, in qua est vera salus nostra. Tectum, caro nostra, ut in Evangelio: “Et qui in tecto, non descendat,” id est, qui in carne dominium exercet, sub carne se non prosternat.