Sepis
Sepis est angelica custodia, ut in Isaia: “Et sepem circumdedit ei,” quod custodiam angelicam deputat Dominus populo suo. Per sepem praecepta bona, ut in Isaia: “Et aedificator vocaberis sepium, avertens semitas iniquitatum,” id est, institutor bonorum praeceptorum, prohibens actiones pravitatis. Per sepes populi gentiles, ut in Evangelio: “Exi in vicos et sepes, et compelle intrare,” quod quando Iudaei credere noluerunt, gentiles crebris miraculis ad fidem invitantibus ad fidem vocati sunt.