Coluber
Coluber est incarnata sapientia, ut in Exodo: “Versa est in colubrum virga, ita ut fugeret Moyses,” quod Christum in carne Iudaicus populus vidit, sed ab eo per incredulitatem fugit. Coluber, diabolus, ut in Iob: “Eductus est coluber tortuosus,” quod per Christi gratiam seductor diabolus ab homine eiectus est. Coluber, Antichristus, ut in Genesi: “Fiat Dan coluber in via,” quod Antichristus iis, qui per viam suam gradiuntur, se blandum in seducendo exhibebit.