Sindo
Sindo est subtilis praedicatio, ut in Parabolis: “Sindonem fecit et vendidit,” quod sancta Ecclesia subtilem praedicationem emittit, et Deo aliquos acquirit. Sindo, mens pura, ut in Evangelio: “Et involvit eum in sindone munda,” quod Christus habitat in mente pura. Sindo, occupatio saeculi, ut in Evangelio: “Reiecta sindone nudus profugit ab eis,” quod abiecta omni saeculari occupatione a persecutoribus spiritualibus expediti fugere debemus.