Barba
Barba est divinitas Christi, ut in libris Regum: “Defluebat saliva in barbam,” quod verba infima et infantilia tegebant divinitatem Christi. Barba, coetus apostolorum, ut in psalmis: “Descendit unguentum in barbam, barbam Aaron,” quod venit Spiritus sanctus in Apostolos Christi. Barba, populus Iudaicus, ut in Ezechiele: “Duces gladium tuum per caput et barbam,” quasi terribili iudicio suo vetus a se sacerdotium et populum Iudaicum Dominus abscidit. Barba, fiducia, ut in Ieremia: “Venerunt viri rasi barba,” quod fiduciam Christi sibi de viribus suis viri sancti admittunt.