Cymbalum
Cymbalum est vitium loquacitatis, ut in Paulo: “Aut cymbalum tinniens,” id est, si sine charitate fuero, praedicatio mea nihil nisi loquacitas est. Cymbalum, praedicatio Antichristi, ut in Isaia: “Vae terrae cymbalo alarum,” quod maledici debet Antichristus, quod praedicabit superbiam et elationem. Per cymbalum obsequia charitatis, ut in psalmo: “Laudate eum in cymbalis,” quod illi Deum maxime laudant, qui per charitatem Spiritus fuerint invicem.