Medulla
Medulla est corpus Christi, ut in cantico Deuteronomii: “Et hircos cum medulla tritici,” id est, opera poenitentiae cum opere Christi. Per medullam divitiae terrenae, ut in Iob: “Et medullis ossa illius irrigantur,” quod viri impii divitiis terrenis sustentantur. Per medullas intentiones, ut in Paulo: “Compagum quoque et medullarum,” id est, cogitationum et intentionum.