Pecus
Pecus est haereticus, ut in cantico Habacuc: “Abscindetur de ovili pecus,” id est, de Ecclesia haereticus. Pecus, peccator et iustus, ut in Ezechiele: “Ecce ego iudico inter pecus et pecus,” id est, discerno inter peccatorem et iustum. Per pecus populi, ut in Genesi: “Constitue illos magistros pecorum meorum,” id est praelatos populorum meorum. Pecus, cupidi, ut in Psalmis: “Insuper et pecora campi,” id est, subdidisti ei et cupidos mundi.