Infans
Infans est Christus, ut in Isaia: “Delectabitur infans ab ubere,” quod Christus in ipsa nativitate sua delectationem sanctitatis possedit. Infans, quilibet electus, ut in Genesi: “Infans octavo die circumcidetur in vobis,” quod quilibet electus in resurrectione ultima ab omni erit corruptione liberatus. Infans, sermo Dei, ut in Exodo: “Si fornicatus fuerit infans,” id est, si sermo ad bonum iam in anima pervenit affectum.