Thronus
Throni sunt angeli sancti, ut in Ezechiele: “Et super omnes similitudinem throni, similitudo hominis de super,” quod super omnes angelos gloria est nostri Redemptoris. Thronus, sancta Ecclesia, ut in Psalmis: “Thronus tuus, Deus, in saeculum saeculi,” quod sancta Ecclesia durabit in perpetuum. Throni, sancti praedicatores, ut in Daniele: “Thronus tuus flamma ignis,” quod praedicatores et amorem virtutis praedicant, et lumen veritatis infundunt. Thronus, tribunal futuri iudicii, ut in Psalmis: “Sedes super thronum, qui iudicas iustitam,” quod in futuro iudicio reddet unicuique secundum opera sua.