Panni
Panni sunt sacramenta humilitatis Christi, ut in Evangelio: “Et pannis eum involvit, et reposuit eum in praesepio,” quod . . . . Dominum sub sacramentis humanitatis assumptae occultavit, sicque manifestavit eum mundo. Panni, mandata legis, ut in Iob: “Et pannis infantiae obvolverem,” quod Deus Synagogam mandatis legis alligavit. Panni, exempla iustorum, ut in Ieremia: “Pone veteres pannos sub cubitu manus, id est, ad roboranda opera sua adhibe tibi exempla antiquorum Patrum.