Viscera
Viscera sunt mentes hominum, ut in Iob: “Qui posuit in visceribus hominum,” id est, in mentibus hominum, “sapientiam, nisi ego?” Viscera, affectiones cordis, ut in Iob: “Effudit in terra viscera mea,” id est, dilabi permisit in terrenis affectiones meas. Viscera, superbia iniquorum, ut in Iob: “Viscera eius plena sunt adipe,” id est superbi motus pleni sunt iucunditate terrena.