Species
Species est divinitas Christi, ut in Isaia: “Non habuit speciem, neque decorem,” quod Christus in passione non ostendit decorem deitatis suae. Species, sanctitas in Christo, ut in Cantico: “Species eius ut Libani,” quod candor sanctitatis ineffabilis in Christo. Species, proximus noster, ut in Iob: “Et visitans speciem tuam non peccabis,” id est, non compatiens et succurrens proximo tuo non peccabis.