Granum
Granum est humanitas Christi, ut in Evangelio: “Cadens granum frumenti,” id est, humanitas Christi apparens in mundo. Granum, verbum fidei, ut in Evangelio: “Simile est regnum coelorum grano sinapis,” quod sancta Ecclesia verbum in se fortis fidei habet. Granum, infirmitas corporis humani, ut in Paulo: “Et corpus, non quod futurum est, sed nudum granum,” quod non talis est modo caro nostra, qualis erat; sed corruptibilis et infirma.