Menses
Menses sunt termini actionum, ut in Iob: “Ego habui menses vacuos,” id est, inanitatem in terminis actionum mearum. Menses, ordines angelorum, ut in Iob: “Nec numeretur in mensibus anni,” id est, inter angelos electos spiritus diabolicus ad salvationem non pertingit. Mensis, bona quies mentis, ut in Isaia: “Erit mensis ex mense,” quod qui modo a malo mente quiescunt, in futuro gaudio quiescent.