Pruina
Pruina est pulchritudo coelestis, ut in Exodo: “In similitudine super terram,” quod spiritualis verbi decor supernae pulchritudini in aliquo similis est. Pruina, temporalis adversitas, ut in Iob: “Qui timent pruinam, irruet super eos nix,” quod qui temporaliter pro Domino affligi recusant aeterna ultione feriuntur. Pruina, maturitas religionis, ut in Psalmis: “Factus sum sicut uter in pruina,” id est, mortificatus sum in maturitate religionis.