Ovum
Ovum est spes, ut in Evangelio: “Aut si petierit ovum, nunquid porriget illi scorpionem?” quod a Deo petimus spem, nequaquam dabit nobis desperationem. Per ova subiecti, ut in Iob: “Quae delinquit in terra ova sua,” quod pravus praelatus subiectos suos in operibus terrenis a vera religione alienis versari permittit. Per ova, consilia daemonum, ut in Isaia: “Qui comederit de ovis aspidum, morietur,” quod qui suggestionibus daemonum consentit, animae suae mortem incurrit.