Tribulus
Tribulus est punctio cordis, ut in Iob: “Pro frumento oriatur mihi tribulus,” id est, recedat a me refectio exsultationis, et pungat me laesio doloris. Per tribulos haeretici, ut in Evangelio: “Aut de tribulis ficus?” quod nullam veram in haereticis possimus invenire suavitatem. Per tribulos, pravae delectationes, ut in Genesi: “Sed spinas et tribulos germinabit tibi,” id est, tentationes et delectationes illicitas caro tua producet tibi.