Porci
Porci sunt contemptores veritatis, ut in Evangelio: “Ne mittatis margaritas vestras ante porcos,” id est, non participetis sacrae Scripturae secreta contemptoribus veritatis. Porci, immundi spiritus, ut in Evangelio: “Misit illum in villam suam, ut pasceret porcos,” id est, erexit eum in superbiam, ut male vivendo pasceret immundos spiritus. Porci, homines mali, ut in Evangelio: “Mittite vos in gregem porcorum,” quod habitationem sibi eligunt daemones in cordibus reproborum.