Carmen
Carmen laus Dei, ut in psalmo: “Immisit in os meum canticum novum, carmen [Deo nostro]” id est, ut more meo laudem Deum meum. Carmen gloria coelestis, ut in Ezechiele: “Erant scriptae in libro lamentationes [et] carmen,” quod luctum nobis in praesenti, et gloriam in futuro sacra Scriptura denuntiat. Per carmen consolationes internae, ut in Iob: “Dedit carmina in nocte,” quod consolationes Dominus suis confert in tribulatione.