Liber
Liber est praesentia Dei, ut in Psalmis: “Deleantur de libro vitae,” id est, appareat eos nunquam fuisse scriptos in praesentia Dei cum salvandis. Liber, Christus, ut in Apocalypsi: “Liber alius apertus est, qui est vitae,” quod Christus, qui est vita nostra, in iudicio Iudaeis omnibus apparebit. Liber, Vetus Testamentum, ut in Apocalypsi: “Lector scriptum intus et foris,” id est, Vetus Testamentum, continens in se mysticum et historicum sensum. Liber, Evangelium, ut in Apocalypsi: “Habebat in manu sua librum apertum,” quod Evangelium suum Christus opere complevit. Per librum, occulta hominis, ut in Daniele: “Iudicium sedit, et libri aperti sunt,” quod in iudicio ultimo manifesta erunt abscondita cordis nostri.