Clamor
Clamor est sanguis nostrae redemptionis, ut in Iob: “Neque inveniat in te locum latendi clamor meus,” quod Christi Ecclesia sancta sanguinem non abscondit. Clamor, desiderium cuiuslibet iusti, ut in psalmo: “Clamor meus ad te veniat,” quod desiderium iusti exaudit Deus. Id est, cupiditas reproborum, ut in Genesi: “Clamor Sodomorum venit coram me,” quod cupiditas reproborum importune tumultuatur in auribus Dei. Clamor, violenta tentatio diaboli, ut in Iob: “Clamorem exactoris non exaudivit,” quod vir sanctus violentis tentationibus diaboli non consentit.