Carmelus
Carmelus, qui interpretatur scientia circumcisionis, carnalis est purificatio Iudaeorum, ut in libris Regum: “Erat Nabal et possessio eius in Carmelo,” quod stultus Iudaicus populus in exteriore purificatione confidebat, quod Nabal stultus interpretatur. Carmelus, cognitio secretorum, ut in Cantico: “Caput tuum ut Carmelus,” id est, mens tua scientiam et notitiam habet secretorum.