Arturus
Arturus est sancta Ecclesia, ut in Iob: “Qui facit Arturum et Orionas,” quod Dominus et Ecclesiam fundavit, et in ea sanctos martyres produxit. Arturus, Vetus Testamentum, ut in Iob: “Gyrum Arturi poteris dissipare,” quod Veteris Testamenti litteram Dominus in spiritualem sensum mutavit. Arturus, populus incredulus, ut in Iob: “Ab Arturo egredietur frigus,” quod ab incredulo populo frigus infidelitatis procedit.