Pullus
Pullus est gentilitas, ut in Evangelio: “Invenies asinam alligatam et pullum cum ea,” quod utrumque populum, Iudaicum et gentilem, funibus peccatorum ligatum apostoli invenerunt. Per pullos apostoli, ut in Iob: “Quoniam pulli eius . . . . .” quod apostoli gentium salutem magno affectu exoptabant. Per pullos homines de gentibus, ut in Psalmis: “Et pullis corvorum invocantibus eum.” Per pullos auditores, ut in Iob: “Pulli eius lambunt sanguinem,” quod fideles auditores sacramenta passionis Christi fideliter credendo hauriunt.