Triticum
Triticum est sermo praedicationis, ut in Evangelio: “Ut det illis in tempore tritici mensuram,” id est, ut ministret eis, quando optimum fuerit, praedicationis plenitudinem. Triticum, opus bonum, ut in Cantico: “Venter tuus sicut acervus tritici,” id est, affectus tuus plenitudinem producit effectus boni. Triticum, viri boni, ut in Evangelio: “Triticum autem congregate in horreum meum,” id est, electos meos admittite in regnum meum.