Longitudo
Longitudo est longanimitas, ut in Ezechiele: “Mensus est atrium longitudine centum cubitorum,” quod perfectio sanctorum in longanimitate consistit. Longitudo, aeternitas: ut in Parabolis: “Longitudo dierum in dextera eius:” quod supernae patriae gaudium sine fine durabit. Longitudo, fides, ut in Genesi: “Trecentorum cubitorum erit longitudo eius,” quod in mysterio sanctae Trinitatis consistit fides Ecclesiae.