Oriens
Oriens est Christus, ut in Zacharia: “Visitavit nos oriens ex [alto]” id est, venit ad nos Christus de coelo. Oriens, pueritia, ut in Evangelio: “Multi ab oriente venient,” quod plures a pueritia veniunt ad Christum. Oriens, populus Iudaicus, ut in Apocalypsi: “Ab oriente portae tres,” quod Iudaeis fidelis civitatis nuntiata est. Oriens, sanctitas vitae, ut in Iob: “Si ab oriente iero, non apparet,” id est, quamvis in sanctitate vitae fuero, tamen plene securus non sum.