Estas
Estas est regnum Dei, ut in Evangelio: “Scitis quoniam prope est aestas,” id est regnum Dei. Estas vita praesens, ut in Parabolis: “Praeparat in aestate cibum,” id est, spiritualem in praesenti vita refectionem. Estas, dies iudicii: ut in Parabolis: “Mendicabit in aestate, et non dabitur ei,” in die iudicii vitae subsidium postulabit, et non percipiet. Estas, perfectus quilibet, ut in Psalmis: “Aestatem et ver tu plasmasti,” id est, perfectos, tu formasti et insipientes.